मुलाने केली हत्या अन् आईची आत्महत्या: सांगलीच्या कवठेमहाकाळ येथील घटना: मुलाने पैशांच्या वादातून केला होता तरुणांचा खून

 

उपसंपादक: जयश्री गुंजाळ:

कवठे महाकाळ तालुक्यातील कुकटोळी येथील अजित उर्फ संजय कृष्णा क्षीरसागर यांच्या डोक्यात दगड घालून खून करण्यात आला. आरोपींनी दिलेल्या पैशांची मागणी करत असलेल्या रागामुळे ही हत्या केल्याचे समोर आले आहे. पोलिसांनी 8 तासात खून करणाऱ्या सुशांत शेजुळ आणि स्वप्निल क्षीरसागर यांना अटक केली आहे. 

दरम्यान, आरोपी मुलगा सुशांत शेजुळ यांनी केलेला खूनाचा धक्का सहन न झाल्याने आरोपीची आई विमल शंकर शेजुळ यांनी गळफास घेऊन आपले जीवन संपवल्याची घटना घडली आहे.

साहित्य आणतो म्हणत पडले होते बाहेर 

18 मे 2025 रोजी अजित क्षीरसागर हे घरातून दुकानात साहित्य आणण्यासाठी बाहेर गेले होते. परंतु ते रात्री उशिरापर्यंत परतले नाहीत. त्यानंतर त्यांचे घरातील सदस्यांनी शोध घेतला, परंतु ते सापडले नाहीत. 20 मे रोजी दुपारी गावात अजित  क्षीरसागर जखमी अवस्थेत पडले असल्याची माहिती मिळाली. ते मारुती कारंडे हायस्कूलच्या मागे पडले होते. 

नेमके काय घडले? 

कुकटोळे गावामध्ये रविवारी रात्री साडे दहा वाजाण्याच्या सुमारास आरोपी व क्षीरसागर बसले होते. सुशांत शेजुळ यास दिलेले 2 हजार रुपये परत मागितले. पैसे मागितल्याचा राग मनात धरून सुशांत शेजुळ व स्वप्निल क्षीरसागर अजित क्षीरसागर यांना लाथा बुक्क्यांनी मारहाण करून खाली पडले. सुशांत शेजुळ या तरुणांने डोक्यात दगड घालून हत्या केली. सदर हत्तेची बातमी गावात पसरली. संशयित तरुण सुशांत शेजुळ यांची आई विमल शेजुळ यांना आपल्या मुलाने हत्या केल्याची बातमी समजली. गावातील नागरिकांनी घटनास्थळावर मोठी गर्दी. या हत्तीचे गावभर जोरदार चर्चा झाली. जखमी अवस्थेत अजित क्षीरसागर यांना मिरज येथील शासकीय रुग्णालयात दाखल करण्यात आले. परंतु उपचारादरम्यान त्यांचा मृत्यू झाला.