25 वर्षीय तरुणीची 22 व्या मजल्यावरून उडी : खाली पडताच शरीराचे झाले 2 तुकडे, घटनास्थळी रक्तामांसाचा सडा; मुंबईतील भयंकर घटना

संपादक:-सचिन गुंजाळ 

एका 25 वर्षीय तरुणीची 22 व्या मजल्यावरून उडी मारून आत्महत्या केल्याची भयंकर घटना मुंबईच्या विक्रोळी परिसरात घडली आहे. भयंकर म्हणजे सदर मुलगी इमारतीच्या परिसरात पार्क करण्यात आलेल्या एका दुचाकीवर पडली. यामुळे तिच्या शरीराचे 2 तुकडे होऊन घटनास्थळी अक्षरश: रक्तामांसाचा सडा पडला होता.

यासंबंधीच्या माहितीनुसार, विक्रोळीतील कन्नमवार नगरात सोमवारी  रात्री उशिरा ही घटना घडली. हर्षदा तांदोलकर असे मृत तरुणीचे नाव आहे. मुंबईत सोमवारी मुसळधार पाऊस सुरू असताना तिने 22 व्या मजल्यावरून उडी मारून आपली जीवनयात्रा संपवली .

तिने हे टोकाचे पाऊल का उचलले ? हे स्पष्ट झाले नाही. 

पण या घटनेमुळे परिसरात एकच खळबळ माजली आहे.

प्रत्यक्षर्शींनी काय सांगितले?

प्रत्यक्षर्शींनी दिलेल्या माहितीनुसार, 25 वर्षीय हर्षदा तांदोलकरने इमारतीच्या 22 व्या मजल्यावरून उडी मारली. त्यानंतर घटनास्थळावरील दृश्य अंगाचा थरकाप उडवणारे होते. कन्नमवार नगरातील इमारत क्रमांक 97 मध्ये ही घटना घडली. एवढ्या उंचीवरून उडी मारल्यामुळे तरुणीच्या शरीराचे दोन तुकडे झाले होते. यामुळे घटनास्थळी रक्तामांसाचा सडा पडला होता.परिसरातील नागरिकांनी या घटनेची माहिती पोलिसांना दिली .त्यानंतर त्यांनी घटनास्थळी जाऊन मृतदेह ताब्यात घेतला. पोलिसांनी या प्रकरणी पंचनामा करून पुढील तपासाला सुरुवात केली आहे.

तणावातून उचलले पाऊल?

हर्षदा तांदोलकरने 22 व्या मजल्यावरून उडी मारून टोकाचे पाऊल उचलले? हे अद्याप स्पष्ट झाले नाही.पण एका पोलीस अधिकाऱ्याने तिने तणावातून हे पाऊल उचलल्याचे सांगितले आहे. हर्षदाने बहुजमली इमारतीवरून उडी मारली. त्यानंतर ती खाली उभ्या करण्यात आलेल्या एका दुचाकीवर कोसळली . यामुळे तिच्या मृतदेहाचे दोन तुकडे झाले होते, असे ते म्हणाले .