राज्यस्तरीय बॅडमिंटन स्पर्धेत गुड शेपर्ड अकॅडमीची ओवी पाटील राज्य विजेती

 संपादक -सचिन गुंजाळ नव दृष्टी न्यूज 

चाळीसगाव (वार्ताहर)स्व. डॉ. सच्चीदानंद मुनगंटीवार मेमोरियल महाराष्ट्र मिनी स्टेट सिलेक्शन बॅडमिंटन स्पर्धा- 2025 ही चंद्रपूर येथे आयोजित करण्यात आली होती. दि.10 ते 14 सप्टेंबर दरम्यान झालेल्या राज्यस्तरीय बॅडमिंटन स्पर्धेत ओवी पाटील, चाळीसगाव व श्रद्धा इंगळे, कराड या दोघींनी 13 वर्षा खालील दुहेरी गटात विजय प्राप्त केला. त्यांनी सेमी फायनल मध्ये हेजल जोशी व स्पृहा जोशी मुंबई उपनगर या खेळाडूंना 21-15 व 21-14 ने हरवत अंतिम सामन्यासाठी आपली जागा निश्चित केली.

अंतिम सामन्यामध्ये ओवी आणि श्रद्धा यांच्या जोडीने मायरा गोराडिया व कनक जलानी मुंबई यांचा 21-14 व 21-15 सरळ दोन सेट मध्ये पराभव करत विजय नोंदवला. त्यांना सुवर्णपदक, ट्रॉफी, रोख रक्कम व प्रावीण्य प्रमाणपत्र देऊन गौरविण्यात आले.

ओवीला तीचे वडील अमोल पाटील तसेच क्रीडा शिक्षक मनोज गोरे यांचे मार्गदर्शन लाभले. 

शाळेचे प्रिंसिपल डॅनिअल दाखले सर, शिक्षक व शिक्षकेतर कर्मचारी यांनी ओवीचे कौतुक व अभिनंदन केले. व भावी वाटचालीसाठी शुभेच्छा दिल्या.